AGONEY
AGONEY naceu o 18 de outubro de 1995 en Adeje (Tenerife). Toca a trompeta desde os 6 anos e, aos 14 anos, comezou a estudar canto. Estudou bacharelato en Artes Escénicas e foi 6º finalista en Operación Triunfo 2017. Despois de varios meses frenéticos de xira en 2018, presentou o seu esperado primeiro single, titulado “QUIZÁS”, unha canción de corte funky pop onde o artista mostra todo o seu potencial. AGONEY amosa o seu lado máis vital, coidando unha imaxe moi pop nun videoclip que incita ao baile e á liberdade.
O 30 de agosto de 2019 presentou o seu segundo tema “BLACK”, un traballo máis escuro, clasificado como “bello dramatismo épico”. O videoclip enfatiza o lado máis dramático da canción.
Despois chegou “Libertad”, que é a primeira canción do seu primeiro álbum, unha introdución en forma de preludio onde AGONEY mostra os seus fracasos, as súas vitorias, a súa soidade e a súa verdade. Unha peza pequena e grande á vez, composta e producida polo propio AGONEY.
O 19 de xuño de 2020 lanzou “MÁS”, un claro exemplo de canción redonda; un single uptempo, cun estribillo demoledor, que une sons de influencia moderna coa delicadeza dun arranxo de cordas épico e brillante. Un claro indicio de como ía ser a sonoridade do seu primeiro álbum “Libertad”, o cal viu a luz a finais de agosto de 2020 sendo #1 en vendas en todo o país.
Durante 2021 presentou o seu primeiro traballo discográfico en directo, lugar onde se
atopa cómodo e onde as cancións toman outra dimensión. A súa xira “Libertad Tour” e “Libertad: Un Viaxe Íntimo” pasaron por diferentes cidades españolas.
Ademais, en agosto de 2021 confirmouse a súa presenza no programa “Tu Cara Me Suena” onde, o 4 de marzo de 2022, proclamouse gañador da novena edición cun 53% dos votos.
Ese mesmo 4 de marzo de 2022 estreou “BANGOVER”, en palabras do artista: “Bangover é para esa xente que xa conseguiu liberarse das cadeas e ataduras coas que ás veces nos atrapan os amores pasionais e intensos, pero pouco sinceros. Esa etapa de rexurdimento onde comezas a quererte e a poñerte en valor, quizais con un pouquiño de axuda do ego e do amor propio que enterráramos.” A canción acadou o Nº1 en iTunes en España, Arxentina e Chile.
En xullo de 2022 lanzou o seu novo tema “CACHITO”, un tema con sons frescos e unha base electrónica, coa que nos invita a saír á pista de baile para esquecernos dos problemas e adentrarnos así nun mundo colorido e doce, onde a diversión e o azucre son os principais protagonistas do seu videoclip.
O ano 2022 remata coa súa participación no programa “Duos Increibles” de RTVE e preparando o seu segundo álbum de estudo.
O ano 2023 comeza defendendo a súa proposta eurovisiva no Benidorm Fest organizado por RTVE, conseguindo un segundo posto con “Quiero arder”.
“Quiero arder” é o primeiro adianto do seu segundo álbum. Un tema cheo de matices e fusións, unha mensaxe contundente e unha posta en escena coidada ao milímetro, vibrante e enerxética.
