SEÑORA DJ
Raquel R. Soto é a persoa que pon rostro e ritmo a Señora DJ. Este proxecto cobra vida no 2016 coa primeira edición do Festivala en Vilagarcía de Arousa. Un festival que nace para a promoción da figura da muller en todas as áreas e que deixaría pegada nas súas sesións, xa que a maior parte dos grupos que soan nos seus pases están compostos ou liderados por mulleres.
É difícil elexir un estilo concreto para Señora Dj, xa que nas súas sesións poden soar tanto Vive la Féte, como Rosalía, M.I.A., Ginebras… e que non falten nunca as Bistecs ou Ladilla Rusa. Participou noutros festivais como o Portamérica, Xironsa, El Festival de la Luz e O Son dos Arrieiros. E ten picado en salas como a Sonar en Santiago e a sala Karma en Pontevedra.
